Gorka Diez de Ulzurrunek jasan zituen torturei loturiko deklarazio bat burutu da gaur Madrilgo epaitegian.
Gaur asteartea, azaroaren 6an, Gorka Diez de Ulzurrunek jasan zituen torturarekin lotutako deklarazio bat egin da Madrilgo epaitegietan.
Bere atxiloketan ofiziozko abokatu lanak egin zituen abokatuak deklaratu du gaurkoan eta bere esanetan ez zion atxilotuari aurpegirik ikusi ere egin. TATek salatu duenez, Gorkak epailearen aurrean deklaratu zuenean torturak salatu zituela eta berak zergatik ez zuen ezertxo ere egin galdegin zaionean, lehenago ere terrorismoarekin lotutako atxiloketetan horrelako historioak entzunak zituela erantzun du.
Gaur asteartea, azaroaren 6an, Gorka Diez de Ulzurrunek jasan zituen torturarekin lotutako deklarazio bat egin da Madrilgo epaitegietan.
2005eko martxoan, Guardia Zibilak Gorka Diez de Ulzurrun atxilotu zuen eta 5 egun inkomunikatuta igaro ondoren torturak salatu zituen.
Gaur, bere atxiloketan ofiziozko abokatu lanak egin zituen abokatuak deklaratu du. Gogoratu behar da Gorkak hirutan deklaratu zuela komisaldegian. Abokatua ez zen gogoratzen. Abokatuaren esanetan ez zion aurpegirik ikusi, bere atzean eseri zen eta Gurdia Zibileko instruktorearen aurrean bakarrik identifikatu zen. Ez daki Gorkak abokatua zen edo ez bazekien. TATeko abokatuak gogorarazi dio, Gorkak epailearen aurrean deklaratu zuenean torturak salatu zituela eta berak zergatik ez zuen ezertxo ere egin galdegin zaionean, lehenago ere terrorismoarekin lotutako atxiloketetan horrelako historioak entzunak zituela erantzun du.
Salatu nahi dugu ere, epaileak hainbat alditan kendu diola hitza TATeko abokatuari, ustez galderak pertinenteak ez zirelako.
TATek, kasu honen, zein gainontzeko kasu guztien benetazko ikerketa eskatzen du. Eskura dauden froga guztiak erabili daitezen eskatzen dugu ere, jakin badakigulako, inkomunikazio egoerak batetik eta torturatzen duten Espainiar Polizia, Ertzain edo Guardia Zibilen profesionaltasunak bestetik, oso zaila egiten dutela tortura zantzurik aurkitzea.
Instrukzio epaileek ez badute beren lana arduraz eta ganoraz betetzen, inpunitateari ateak parez pare irekitzen diote eta torturak bizirauteko beharrezkoa duen arnasa hartzen du.
Torturarekin amaitzea denon lana da.
