Bi polizik auzitegi nazionalean deklaratu dute Maite Orue gernikarrak 2005. urtean jarritako tortura salaketa dela-eta.
TATeko abokatuek jakinarazi dutenez, bi polizia hauek bigarrengoz izan dira deklaraztera deituak, irailean huts egin baitzuten. Polizia batek gezurra esan eta torturarik burutu ez zutela esan du.
Torturatzeaz akusaturik, inputatu gisa deklaratu dute gaur bi polizik auzitegi nazionalean, Maite Orue gernikarrak 2005. urtean jarritako tortura salaketa dela-eta.
Maite Orue 2005.eko uztailaren 27an atxilotu zuela Polizia Nazionalak, eta lau egun inkomunikatuta egon ondoren tortura salaketa ezarri zuela. Epailearen aurrean ere salatu zituen torturak.
Bi polizia hauek bigarrenez deituak izan dira deklaratzera, izan ere, irailean zitatuak izan baziren ere, huts egin zuten.
Gaur egun, Madrilgo 30. Instrukzio Epaitegia arduratzen da ikerketa egiteaz. 2005ean kausa artxibatu zuen, baina aurkeztu genuen Apelazio helegitea dela eta, ikerketa berriro ireki zen eta zenbait froga berri egin behar izan zituen.
2006. urtean bigarren aldiz artxibatu zuen kasua eta berriro aurkeztu genuen Apelazio Helegitea irabazi genuelako froga berriak praktikatzera behartua izan zen Madrilgo 30. Instrukzio Epaitegiko epailea.
Froga berri hauetako bat torturetan parte hartu zuten Poliza Nazionalei deklarazioa hartzea da.
Aiert Larrarte eta Ane Ituiño izan dira TATeko abokatu gisa bertan. Polizietako batek gezurra esateko hautua egin du, torturarik burutu ez zutela eta Maiteri galdeketarik egin ez ziotela esanez. Aiert Larrarte abokatuaren galderei ez die erantzun bestalde.
Bigarren poliziak berri, epaileak identifikazioa eskatzerakoan honek ahaztu egin duela eta polizia karneta aurkeztu dio. TATeko abokatuek kexa aurkeztu dute, deklaratu behar zuen polizia bera denaren bermerik ezean. Epaileak kexa onartu eta akusatuari edozein herritar bezala identifikazioa gainean izateko bete beharra gogora arazi dio, are gehiago halako egoera baten aurrean.
Poliziak hurrengoan ere berdina egingo duela adierazi du orduan, TATeko abokatuak bertan izanik bere eta bere senideen segurtasuna arriskuan dela argudiatuz. Epaileak orduan, egoera ulertzen duela baina inputatu gisa izanik legeak agintzen duenez indentifikatu egin beharko duela hurrengoan esan dio.
