Odon Elorzari. Harriet Agirre - Nanterreko euskal preso politikoen Batzarraren izenean.
Nanterreko euskal preso politikoen Batzarraren gutuna Odon Elorzari.
Agur t´erdi:
Herriko arduradun gorena zarenez, herritar bezala nire asmoa da euskal preso politikook geure eskubide politikoen alde egiten dugun borrokaren berri zuri jakinaraztea.
- Hileko bi lehenengo ostiraletan uko egiten diogu kartzelako arrantxoari, bakarturiko kideen egoera salatzeko eta gaixo larrien askatzea eskatzeko.
- Estradizioak eta kanporaketak salatzeko, enkarteladak egiten ditugu patio orduetan.
- Presoen, senideen eta gudarien erailketak salatzeko 24 orduko itxialdiak.
- Jipoi eta erasoen aurrean 24 orduko baraualdia.
- Senide eta lagunen istripuen aurka enkarteladak.
- Isolamendu politikoaren aurka, estatus politikoaren alde eta Euskal herriratzea eskatzeko, hileko azken ostiralean enkartelada, herrietako enkarteladekin batera.
Etsaiak bere hatzaparretan bahiturik gaituenez, egunero pairatzen dugu gure eskubideen aurkako zapalkuntza eta horrekin batera gure senide eta lagunei ezartzen zaien zigorra. Guzti horrek gure borrokaren arrazoia indartu besterik ez du egiten, eta gatazka politikoaren konponketarako soluzio politikoen premia baieztatu.
Herritarren gehiengo handi batek aldarrikatzen du presoen eskubideen aldeko defentsa, udaletxe askotan onartu dira presoen aldeko mozioak eta hainbat alderdik ere bat egin dute aldarrikapen honekin.
Guzti hori kontuan hartuko duzulakoan, gonbidatu nahi zaitut nire eta nirekin daudenen izenean, preso politikoon eskubideen alde zeurea den eremutik zure ekarpena egin dezazun.
Horrela izango delakoan agurtzen zaitut.
