Kartzeletako gizarte-langileen egoera salatu dute, Baionan.
Kartzeletako gizarteratze zerbitzuko langileek baliabide gehiago eskatu zituzten atzo Baionan
Kartzeletako gizarteratze langileen hiru sindikatu nagusiek egin deialdiari erantzunez, gizarte-langileak mobilizatu egin ziren atzo. «Egoera katastrofikoaren berri emateko» Baionako epaitegiaren aurrean prentsaurreko bat eskaini zuten langileek.
Perben erreformak eragin duen egoera txarra salatu zuten. Erreforma hori langile berriak ekarri gabe jarri dute martxan eta zerbitzuak zuzenean babesik gabe uzten ditu.
Baionari dagokionez, egoera ez da batere eramangarria. CFDTko ordezkari Jean-Paul Latapiek baieztatu zuenez, gizarteratze zerbitzuetako langileen beharrak asko emendatu dira dauden baliabideak kontutan izanda. Baionan gaur egun kartzelan 122 pertsona daude, berez hartzen ahal duen kopurua baino askoz gehiago eta langileek salatu dutenez, gainera, ez dute herriko buruzagitzaren inolako babesik jasotzen.
