Beharrezko osasun asistentzia jaso gabe dituzte bi euskal preso.
Angel Alkalde eta Fernando Garzia Jodra euskal errepresaliatu politikoek beharrezko osasun asistentzia jaso gabe jarraitzen dute, Etxeratek gaur jakinarazi duenez.
Euskal errepresaliatu politikoen senideen elkarteak prentsa ohar bidez jakinarazi duenez, "Angel Alkalde euskal preso politikoa duela astebete Navalcarnerotik Alcala Meco kartzelara eraman zuten, transito egoeran. Portugaleteko preso politikoa eskubiko aldakatik operatu berritan dago eta, aste honetan bertan Gurutzetako ospitalera trasladatua izan behar zuen, interbentzio kirurjiko berri bat jasotzeko".
Etxeratek zehaztu duenez, "eskuineko belaunean endekapenezko artrosisa du eta protesia behar du".
Bestalde, "Cordobako isolamendu galerian duten Fernando Garzia Jodra euskal preso politikoak kolikoak, minak eta harriak ditu giltzurrunean. Ondorioz, egun hauetan ezin du ia pixa ere egin. Ospitaleko tratamendua jasotzeko premia bizia du, beraz", elkartearen arabera.
Etxeratek salatu duenez "Estatu espainol eta frantsesak gure senideen osasun eskubidea etengabe urratzen jarraitzen dute. Ondorioz, aipatu euskal preso politikoek beharrezko osasun asistentzia jaso gabe jarraitzen badute, mobilizazioak egingo dira datorren astean beren herrietan".
