Madrid: Preso galiziar bat biluztu eta jipoitua.
GARA egunkariari adierazi diotenez, Soto del Real espetxe espainolean aurkitzen den preso politiko galiziar bat biluztu, jipoitu eta inkomunikaturik izan dute espetxe funtzionarioek, bere gelan preso sozial bat sartzera behartu nahi izan zutelako eta preso gaztea ukatu egin zelako.
Antza denez, Soto del Real espetxe espainoleko hainbat funtzionario Ugeio Caamalho Galiziako preso politiko gaztea «doblatzen» saiatu omen ziren; hau da, bere gelan preso sozial bat sartzera behartu nahi izan zuten.
Bertan espetxeraturik aurkitzen den euskal preso politiko baten bidez jakinarazi da gertaera, eta Caamalho behartze horretara ukatu egin zenean, ordainean hainbat espetxe funtzionarioren artean jipoitu egin zutela.
Jarraian, «goitik behera biluztu» zutela jakinarazi dute eta egun batzuetan ezin jakin zenbat egunez izan duten egoera horretan zigor gela batean inkomunikaturik izan dutela berau, eta egun guzti horietan ere bilutzik egotera behartua izan dela.
Antza denez, iturri beraren esanetan, dagoeneko bere modulura itzuli omen dute gazte galiziarra.
