Ertzaintzak Gurutzetan preso ohi bat jo izana salatu dute.
Anjel Alcalde presoa Barakaldoko Gurutzeta ospitalera eraman zuten proba batzuk egitera. Han, lagun duen preso ohi bat berarengana hurbiltzen hasi zen besarkada bat emateko asmoz, baina Alcalde zaintzen zebiltzan ertzainak kolpeak ematen hasi ziren eta ez zioten hurbiltzen utzi.
Anjel Alcalde presoa Barakaldoko Gurutzeta ospitalera eraman zuten proba batzuk egitera. Han, lagun duen preso ohi bat berarengana hurbiltzen hasi zen besarkada bat emateko asmoz, baina Alcalde zaintzen zebiltzan ertzainak kolpeak ematen hasi ziren eta ez zioten hurbiltzen utzi, berak GARAri adierazi zionez.
Alcalde zaintzeko zortzi ertzain omen zeuden Gurutzetako ospitalean, eta lagunari preso bat besarkatzea baimenduta ez dagoela adierazi zioten.
Anjel Alcalderi, berriz, beste norbait berarengana berriro hurbiltzen bazen, ez ziotela utziko familiarekin egoten mehatxatu zioten ertzainek. Ospitalean Alcalderen lagun eta senitarteko ugari zegoen zain hura agurtzeko asmoarekin.
Azkenean, halere, ospitalean egin behar zizkioten probak egin baino lehen, amarekin eta alabarekin minutu pare bat egoteko aukera eman zioten Alcalderi.
